Chungkhar nuam sernak dingah a tanglei langhter mi hna hi rel hrimhrim, nupi le va a ngei rih lo mi hna zong nih rel ve, bawmtu tha ngaingai asi, hlathlainak an tuah hnu ah mah hna pawl hi chungkhar nuam sernak dingah cun a biapi ngai mi an si..

1..Tha tein a bia ngeihpiak

Nu le va I pehtlaih nak ah tha tein bia I ngeihpiak nak nih hin chungkhar buaibai nak  a zor ter pin ah pakhat le khat I zumhnak a thatter, cu nih cun chungkhar nuamhnak tlamtling in a chuah pi khawh. Zei tin dah an bia cu tha tein kan ngeih khawh nak ding ah tahchunhnak ah Phone na tongh lio asi I bia an ruah ahcun na phone kha chia ta law a bia kha tha tein ngeihpiak..

2.. chungkhar fehfuan nak ding kha ruahding

Chungkhar khuasak nak ah thil tha lo kha hrial I thiltha mi kha biatak tein tuah le ruah a herh, thil tha nak in thil tha lo kha kan khuaruah nak ah kan telh deuh asi ahcun  chungkhar cu a rauh hlan ah a rawk colh ko lai, cu caah nupi/va le nih an duhmi thil kha biatak tein ruahpiak ding, cu an duhmi thil cu thinlung chung zong in I cinken peng a herh.

3..Hmunkhat ah Caan hmanti ding

Chungkhar fehfuan nak ding ahcun caansau pi um ti a herh ti cu theih cio mi asi ko. A bia pi taktak mi cu rawlei tik ah hmunkhat te ah ei ti khawh hi a rak biapi tuk cun lengchuah tik le hmundang dang nuamhnak hmun ti bantuk pawl ah hmunkhat tein kal ti le caan hman ti nak nih hin chungkhar fehfuan nak dingah a hram an rak si ve..

4.. I kuh/reh ding

I kuh/reh nak nih hin thinlung lei ah a riantuan ning a that ter deuh caah I tlaihchan nak a feh ter, ni chiar  ti awk in I pom thulh, hei puk thulh ti bantuk a tuah zungzal mi chungkhar cu buaibai nak he an I hlat deuh ..

5..na dawtmi kha upat

Chungkhar fekfuan ngeihkhawh nak ding ah a biapi taktak mi cu I upat thiam hi a rak biapi bik, ngakchia sin asi lo ah chungkkhat, hawikom sin ah san na tlai lo tuk tibantuk pawl khi capo zong in I ti ding asi lo, nan chanbau nak khan an mah pahnih lawng nan um lio ah I ceihhmai ding..

6..namneh lo ding

Chungkhar nan dirhcang hnu ahcun pakhat khat I namneh lo ding asi, pakhat le khat tu I theihthiam I tha tein in cawnpiak ding tu asi, palhnak a tuah sual asi zong ah cu a palh nak I lak in hehchet tiah ti si lo in, thilhman/thildik a hmuh le a tuah khawh nak ding tu ah bawmh ding asi..

Credit:Dr. Thurein Hlaing Win

 

 

LEAVE A REPLY

Please enter your comment!
Please enter your name here