July 1, 2018 zapi he tonbiaruah (public tlak) nak ah cozah bawi sin ah Loklung khua mi nih an hal mi hna..

atu bantuk in cozah zunglei nih khuami zawnruah nak he loklung khua ah zapi tonbiaruahnak an ngeihmi ah cozah zung bawi lei nih nan duhmi paoh kan hal uh, kan in tuahpiak khawh mi cu kan in bawmh hna lai i, kan mah nih kan tuah khawh lo mi cu nan hal mi he pehtlaih nak a ngeimi cunglei bawi sin ah kan in chim piak hna lai an ti hna, cu chungah an hal mi pawl le an bia lehnak cu..

Q: Sianginn hi a chiat ngaingai cang caah zei ti tal in nan kan remh piak kho hnga maw? cun Quarter zong pahnih kan herh cu cu teh nan kan bawm kho hnga maw ti mi cu.

Ans: Penguk zunglei in U Pyae Sone Aung nih nan hal mi hi a tha, Khuabawi nih ca in le tatte hmanthlak van thil chih sehlaw thaizing bak in zung ah rak sok colh seh tiah a leh hna..

Q: sianginn nitlak lam lei ah tiva cek a um, cu tiva cu fur caan ahcun a lian ngaingai tawn caah siangngakchia caah tihnung asi ve caah hlei nan kan tuah piak kho lai maw timi biahal nak cu.

Ans: Penguk zunglei in U Pyae Sone Aung nih Khuabawi nih a rannak in soknak ca rak tial seh tiah a leh hna..

Q: Far kung hi cozah upadi ah mah duh paoh in sam le hau a ngah lo thongthlak khawh nan si ti mi cu, kan nih khuate mi nih thingaah in a paw a cawmmi kan si tik ah thing kan aah ti lo tik ah kan pawcawm nak ding caah a dang nan kan tuah piak kho lai maw ti mi biahal nak cu..

Ans: Upadi zungbawi pakhat nih Far kung hau kong he pehtlai in upadi ahcun a um ko nain nan aah nan hau zong ah zeihmanh a um lo ahcun zeihmanh a asi lo tiah a leh hna.( mah a chimduh nak cu Thing kan aah tik zong ah i report a um lo ahcun a dai mi thil asi ko ati duhnak asi ko rua tiah kan ruah, cu hlan zong ah thingaah in a paw a cawm mi kan si kha an theih tuk ko caah)..cun Phunghram kong he pehtlai in nan duhmi kong theih le hngalh nan duh ahcun atanglei link ah website ahhin kawl khawh asi..

www.mlis.gov.mm 

Note: Thil biapi deuh kan hal uh an ti ko hna nain a hal awk an thei set lo, meeting zong tha tein an rak tuah ta rua lo..penguk zunglei in U Pyae Sone Aung nih khuabawi hi hmanthiam a herh nak kong zong tampi a chim chih.. a tanglei ah a video in thatein zohkhawh than asi..

salaibhthang

 

LEAVE A REPLY

Please enter your comment!
Please enter your name here