Hakha Penguk zung hruainak in Loklung khua ah zapi ton biaruahnak (Public Talk) an ngei kho..

Nihin, July 1, 2018 ah cozah zung lutlai hna le Loklung khuami hna ton biaruahnak an ngei kho, cun Zungkip lutlai hna le NLD in Pu Hniar Uk (mp) ti in biatawi chimnak le khua mi hna nih an duhmi biahal nak zong an ngei..

Pu Hniar Uk chim mi..

Van in tlawn hna le bia I ruah ti hi ka duhtuk ko nain kei cu Naypidaw deuh ah ka um caah kan tlawng kho hna lo. Cun Democracy ram kan si cang tik ah nan duh mi chimrel le hal hi ningzah ding asi lo, nan duhmi kan hal ulaw, kan mah nih kan tuah khawh lo mi cu cunglei ah kan in chimrel piak hna lai ati.

Cun Far kung hi tampi in cing hna usih, atu a um mi vial hi cu a tlawm tuk rih. Federal ramkomh kan si tik ah mah hi Far pawl hin kan pawcawm nak tha bik asi te lai tiah a chim chap.

Penguk Chang asi mi U Pyae Sone Aung chim mi..

Khua thancho nak ding ahcun mi zei dang nak in kan mah khuami hi kan biapi bik ati, Khuabawi pa nih hin mit pahnih lawng a ngeih caah khuami hna zong nih khua caah a tha dingmi ruat ulaw, nan duhmi kha kan hal uh, kan mah kan tuah khawh mi cu kan in tuahpiak hna lai , kan tuah khawh lo mi cu kan in chimrel piak hna lai..a hal zia thiam a herh..

Cinthlaknak zungbawi chimmi..

Khuami hna nih caansau pi caah ruat in riantuan thiam a herh nak kong a chim, cu a chimmi chungah Coffee hi hmaikum caah kung ting 2 a um, Loklung khua mi nih nan cin khawh ding zat kan chim ulaw kan in pek hna lai tiah a chim..

Taingzinsii zungbawi chimmi..

Chinram chungah hin cozah sii hman hau lo in kokek thil tuah mi in dam khawh nak ding tampi a um ko nain a hman kan thiam lo caah asi ati, cu chungah nifa tein kan ei dingmi chungin sii tha taktak mi pawl hna cu- Aithing, Ansabok , Khawte (rangtinbelh) etc..

Aithing

Aithing nih hin tlangrai zong a damh khawh, cun kan taksa fakmi zong a zorter, thi kal zong a thatter I kan thahri tiang in a thazang a thawnter khawh,

Ansabok

Ansabok hi zeitluk in dah a that tiah cun hling nih an chunh tik ah a hnahkha hnuai law hling an chunhnak ah khan benhpiak law tuam, a hling cu a mah tein a rak chuak ko lai, cun Thakpherh zong a dam ter, a hnah kha   bel in chumlaw dinpiak.

Khawte

Khawte hmanh ahhin laitlang I a um mi hi sii caah cun a tha khun ati, khawte hi nifatin tein ei piak nak nih hin thluak lei zawtnak tiang a kham khawh I, a hlei in ai hngilh kho lo mi hna nih eipiak ding asi, ngakchia chungtlik zong ah a tha..

Upadi zungbawi chimmi..

Upadi hi kan theih a herh tuk ati, Upadi chungah Far kung hi mahnawl in hau le sawksam a ngah lo, Far kung nah au si ahcun cozah phungning in dantat khawh asi nak kong zong a chim, cun June thla in September thla tiang sakah le ngatleih hi cozah lei in kan kham mi asi ati, cun Zuu zuar kong he pehtlai in phungning lo in a zuar mi cu report tuah ahcun thla 3, 6 tiin an zuar mi he zohchih in thongthlak khawh an si ati,,

video zoh huam mi hna caah..

salaibhthang

 

LEAVE A REPLY

Please enter your comment!
Please enter your name here