Hakha, Dawrhlun sang, Tun Aung lam ah a um mi Pu Hmun Hei Lian te inn cu tuni (2018 June 20) zinglei suimilam 10:00 am tluk hrawng ah khan mifir nih an boh piak hna.

Atu an boh mi inn hi dot 3 asi i, chungkhar khar 3 in khua a sa mi an si hna i, a laifang zawn ah khua a sa mi Pu Hmun Hei Lian te um nak hi fir a tong mi cu an si.

Inn an bohnak tuhmui ko (tahmui haa) a si/

Hi inn an boh ahhin inn tangcem um mi ngakchia hna nih an theih ko hna nain chungkhar ah an rel hna i va zoh le na veh awk an thei lo, Chungkhar hna hi hmundang ah riantuan mi an si i chun suimilam 12:00noon  ah inn ah chuncaw ei ding in an rak lawi tik ah atu bantuk in an inn an boh piak hna cu theih asi.

Tawh an bohnak tuhmui fang.

Hi Inn an boh nak hi, an kutka hram ah lailei tuhmui an chiah i mah tuhmui lila cun inn tawh cu an kalh i an lut, an Bizu le Thingkuang zong an boh dih, an thil zong an leh dih nain thilri cu pakhat hmanh an la lo.

Hi inn an bohnak in Pu Hmun Hei Lian fanu nih a bizu chungah tangka ting 1 hrawng chungkhar hmanawk ah tiah a chiah mi bel te cu an lak, mah thil tlau nak kong he pehtlai in lunghrinh pah mi pakhat zong a um.

An bizu chung thil vialte zong an thlok dih.

Atu hi Police sinah an report lai mw report lai lo timi cu thawng kan lak tiang ah an i fiang rih lo..

thawnglatu: Salai BHT

LEAVE A REPLY

Please enter your comment!
Please enter your name here