Bungtlang khuami Pu Hrang Kaar Cu Daw Aung San Suh Kyi nih zei laksawng dik a pek.

Kan hnu Myanmar Vice President II Pu Henry Van Thio Lairam a tlawn lio ah Bungtlang khuami Pu Hrang Kaar nih Aungsan Lucuang Tangka a packing ning in “Mah tangka hi Daw Aung San Suh Kyi rak ka pek piak te” tiah Vice President II Pu Henry Van Thio cu a pek.

Mah caah cun a si men lai; Daw Aung San Suh Kyi nih Bungtlang khuami Pu Hrang Kaar cu laksawng a rak kuatnak hi a si.

A laksawng Pack hi an on lo caah zeidah a si? Zeibantuk dah a si ti hi hohmanh nih an thei lo. Cu Laksawng pek ding ahcun Hakha in Pengkomh uk (Kha-yaing-hmu), Thantlang Penguk (Myo-ne hmu), Thantlang NLD hruaitu upa minung 2, A cunglei bawi hna i an hnuzul tu zeimaw zat he a tu (2018 June 19) hi Thantlang in Bungtlang khua lei ah an kal cuahmah lio a si.

Zeibantuk laksawng dah a si ti cu khika i a kalmi hna sin in thawng kan hlat lai i thanh tthan khawh kan i zuam te hna lai. (BHT)

Pu Hrang Kar hi hlan lio Chawlet chaw hrawl a rak tuahmi a si. Amah cu Kum 80 tluk minung a si cang.

LEAVE A REPLY

Please enter your comment!
Please enter your name here