Hakhapeng Tiphul khua Pastor Rev. Ni Ceu (46 <+/->) nih mual a kan liam tak.

Hakha peng Tiphul khua mi Tiphul khua i Pastor a ttuanlio mi Rev. Ni Ceu nih tuzing ah mual a kan liam tak tiah thawng kan theih.

Rev. Ni Ceu cu a hawi le minung 4 (amah tel in minung 5) hna cu ramriah ah June 14, 2018 ah an kal. Zan hnih an riah hnu June 16 zing ramvaih ah aa thawh i, a hawi le nih ttin caan a cut i a ttin ti lo caah an kawl. Tlawmpal an kawl hnu ah a ruak in an hmuh.

Rev. Ni Ceu hi CCU (Hlan CCC) in 1996-1997 ah Dip. Th. a dihmi a si. Sianginn a dih in Mie peng nih Pastor ah an hman colh. Atu hi Tiphul Tipil Khrihfabu ah Pastor a ttuan lio mi a si.

Rev. Ni Ceu hi kan hnu kum hrawng ah fak ngai in a zaw. Sibawi te nih biatak ten an thlop bul len nain a nunnak caah thinphang tiangin a rak um. A hnu bik ah Bangkok ah sii aa thop hnu ah dam hirhiar ten a um. Minung kan nunnak ngai hi kan dam kan ttha kan i nuam cang lai kan ti lio i mah bantuk thil ton hi cu a tuar a har ko.

Rev. Ni Ceu nih Fapa (3) a roh ta hna. Taantak mi chungkhar le Khrihfabu cungah CCN nih ngaihchiatnak kan hrawmpi hna. Pathian nih a lam kip in teikhawhnak thazaang pe hram ko hna seh.

Image may contain: 4 people, people smiling, people standing

Ruak Tiphul khuachung an luh pi lio Antony Cung Mang timi Facebook ah zoh khawh a si.

CCN Team

Hakha

LEAVE A REPLY

Please enter your comment!
Please enter your name here