Citizen a si mi pohpoh vote ( Mee ) thla hna u sih

Hriamnam in ukmi ram ahcun hriamnam tha deuh mi poh nih mi an thei. Democracy ram ahcun vote thlak a fel deuhmi poh nih mi an thei ve. Cucaah ahcun ramthumnak a um mi Chinmi zong mee (vote) tlak a fel mi kan si lawngah kan aw a thang lai. Kan umnak ram rami ( Citizen )si nak a ngei cangmi pohpoh nih mee (vote) thlak hrimhrim ding a si.Image may contain: 1 person, beard and suit

Atu lio zong Chinmi 4000 hrawng khua saknak khua a si mi Lewisville khua ah City Council Plc. 2 ( Khua Bawi No.2 ) nak thim lio pi a si. USA cu Federal phungin uk mi ram a si caah nifatin kan khuasak nak kan inn le le kan lo, kan sang kan veng le kan umnak khua kongah lai a rel bik mi hna cu kan um nak khua khuabawi pawl kha an si ko.Image may contain: 1 person, smiling, eyeglasses and outdoor

Zeiruangah vote kan pek cu a hauh?

Mi zei minung hmat hi pawngkam he I daw le rem te um cu kan duh dih. Cu caah, kan khua ah khua a sa ve mi miphun dang a si mi hna an nunphung le khuasak ning zong khi kan cawn ve a herh. Miphun dang pawl zongnih kan nuphung le kan khuasak ning kha an theih khawh nak ah kan chim kan rel kan fainter ve a hau. Chinmi cu miphun pakhat kan si ve tik ah Miphun dang nunphung le khuasak dan le kan nunphung le kan khuasak dan cu a dang tuk tik ah, i biak chawnh lo le theih ternak i tuah lo ahucn hmailei ah pawngkam miphung dang pawl he I theihthiam lo nak tete a chuak ko.

Hi btk in I thiehthiam khawh nak caah kan innpa vial te kha pakhat hnu pakhat in kan nunphung le kan khuasak ning kha kan va chim kho dih hna lai lo caah lamtha bik cu khua bawi pawl/ kan khua I nawl ngeih tu pawl he I chawh hi a si. Khua uk/nawl ngeitu pawl he kan I neih deuh khawh nak ah kan fimthiam nak le kan ngiehchiah zongnih a phan ko lo men lai nain kan vote nih cun a tuah khawh tiah ka zumh.

Na vote man tah nan thei maw?

Minung pakhat nih thimnak a cuh cu tei a duh caah a si ko. Teitik ah mee pakhat te tei zong tei a si I mee pakhat te sung zongah sung a si tik ah nangmah pakhat mee kha nawl ngeitu a si. Tahchunnak ah Chinmi tampi khua kan saknak a simi Lewisville khua mee an tla mi zoh tik ah mee a thla mi minung an tlawm ngaingai caah mee pakhat te zonghi a sunglawi tuk. Cucaah kan umnak khua cio ah Citizen a si cangmi pohpoh nih mee ( vote ) hlak khawh I zuam cio hna u sih. Kan umnak khua cio ah an tuahmi thim nak pohpoh ah mee ( vote ) a thla bik mi Miphun si I zuam cio hna u sih. Mee ( vote ) kha a uar mi Miphun si hna u sih. Mee ( vote ) thlak a fel mi Miphun kan si ahcun uktu pawl dawi a hau mi Miphun si lo in uktu pawl nih dawimi miphun kan si ve lai.

MORE INFO:

US ramah mee ( vote ) thlak hlan ah voting register tuah hmasak a hau. Voikhat te vawn tuah khi a si ko. Mee tlak lai poh ah tuah than a hau lengmang ti lai lo. Voting register na tuah rih lo ahcun a tanglei link ah hin tuah khawh a si. Na tuah le tuah lo na thieh lo zongah a tanglei link ah in zoh ( check ) khawh a si. Voting register na tuah hnu lawngah mee na pek khawh.
https://www.votedenton.com/voter-registration/

Cun kan umnak khua cio ( City Website ) ah nan khua chungah zei btk thimanak dah a um ti cu faingtein na zoh khawh lai.
https://www.cityoflewisville.com/about-us

Tutan Lewisville khua thimnak ah vote ding mi cu a tanglei minung pa 2 lawng an si.

Early Voting Locations Dates and Times:

Address:
:Lewisville Municipal Annex 1197 West Main Street, Lewisville

Date and Time

Monday through Saturday 8:00 a.m. – 5:00 p.m. June 4 – June 9, 2018
-Monday and Tuesday 7:00 a.m. – 7:00 p.m. June 11 – June 12, 2018

June 16, 2018 City Runoff Elections

R Neil Ferguson
Ronni Cade

Photo Credit: R Neil Ferguson facebook page and Ronni Cade Facebook page

Salai Sui Ceu Ling

LEAVE A REPLY

Please enter your comment!
Please enter your name here