Ca rel a thatnak  phun (10)

  1. Ruahnak a hliphlau ter

Ca rel nak nih hin kan thinlung ruahnak hna kha a thar chuah i cu ti cun thinlung lei hliphlau nak a chuah ter, cun kan tak pum dang nih lentecelh piak a herh bantuk in kan thluak zong nih a rak herh ve, cun ca rel hi  thluak caah lentecelh piak phunkhat asi ve..

  1. Lungnuamh lo nak a zorter

Rian ah siseh, chungkhar le midang he i pehtlaih nak ah zeitluk hmanh in lungnuam lo in um, sunghzatlak nak zong tong ko hmanh law, ni chiar tein ca a rel peng mi caah cun cu vial te har nak cu fawi tein an tei khawh.

  1. Theihhngalh nak ( Knowledge) a thanter

Kan theih cio bantuk in cauk chung ah fimnak tampi  a um, ca tamdeuh rel mi cu an fim deuh ve. Ca kan rel sa mi kha kan philh cang kan ti zong ah kan rak rel mi ca he pehtlaih in thil kan ton tik ah mah kan rak rel mi te kha kan thinlung chungah a hung chuak than i, kan ton mi thil cu fawi tein kan deih ter khawh..

  1. Theihhngalh mi a tamter

Ca rel tik ah theihhngalh (bahuhtutah) tampi kan i chap, ca tampi rel nak nih ca tial le holh a hmannak tete zong kan theih khawh deuh, cun kan theih hngalh a tamdeuh tik ah kan mah le mah i zumhnak zong a thanter,

  1. Chinchiah nak thluak a thatter

Cauk pakhat rel tik ah kan duh nawn mi hna asi ahcun kan thluak chungah a mahtein a tang ko, cu bantuk kan duh mi ca kan rel tik ah kan thluak zong a cawlcang ve i chinchiahnak thluak zong a that ter deuh, bia i hal tik zong ah ca rel deuh mi nih cun fawi tein biahal nak an leh khawh ko, nain ca rel huam ve lo mi hrat biahal cu lukheuh in a caan a dih ve ko..

  1. Ruahnak a kauhter deuh

Ca rel deuh mi cu an ruahnak zong kau deuh i, a ra lai ding mi ca tiangin tuaktan khawh nak an ngei, buaibai nak pakhat khat an ngeih zongah tha tein an tawlrel khawh colh..

  1. Lunglak nak tha a thawnter

Ni chiar in riantuan, lawi hnu ah phone le computer luklak deh, cu hnu ah um har ngai in um tik ah zei thil kan tuah mi hmanh ah kan lung a kan la kho lo, cu tik ah ca rel piak ahcun kan feeling le kan ruahnak kha cauk chung ah aum ve tik ah kan thinlung chung ah a cam ve i, zei thil kan tuah tik zong ah lungduh nak te he kan tuah ve tik ah fawi tein kan duh mi kha kan tlamtlinh khawh..

  1. Catial thiamnak a pek

Ca tampi relpiak nak nih hin ca tial thiamnak zong a rak than ter ve, kei mah cu sazisaya zong ka si lo, ca tial thiam ka hau lo ti hlah, cakuat na tial tik ah na ca rel mi kha bawmtuk tha bik asi te lai..

  1. Lunghna a dai

Carel nak nih hin buaibai nak zong kha a tei khawh, carel cu lungthin a dai I hna a ngam, ca tamdeuh relpiak nak nih hin lungthin zong a dam ter…

  1. Lungthin thaa a dam

Kan thinlung hi rawl le vitamin nak in carel tu in kan congh hramh deuh awk asi, ca kan duh mi, tuanbia maw, biazai, lenhlawi tibantuk rel piak hi thinlung caah cun vitamin tha bik a rak si ko..

Ref:auntymay

BHT

LEAVE A REPLY

Please enter your comment!
Please enter your name here