Zokhua pawng Miles 17 ah zei dah a cang…

May 1, ah Zokhua pawng a cang mi thil hi vun ruah tikah kan nih Laimi zong kan i ralrin ngaingai a hau ve cang..

Zokhua pawng ah thil a cang mi cu hitihin asi, Gangaw peng in Zokhua pawng miles 17 riantuan in aa hlawhfa mi hna nih rawlchuang ah an i lak mi nungak (16) cu Phungki thil i hruk in tlangval no pakhat nih zan suimilam 11 hrawng ah a luh hnawh i a tlaih hrem..

Mah phungki thilthuam i hruk in mi a tlaihhrem tu hi, May 1 ah Hakha in Zokhua ah a ra i, chunhnu ah a kir than, cu a kir pah ah miles 17 riantuan mi hna sin ahhin a tang i cu ti cun zanlai ah sinum nu te hi a luh hnawh i a tlaihhrem hi asi.

Mah a tlaihhrem mi nu hi kum 16 lawng asi rih, cu a tlaihhrem thawng cu chungkhar hna nih an theih tik ah Zokhua, khuabawi tlang sin ah theih ter nak le police sin ah report tuah i tazacuai an duh nak kong cu an chimh hna tik ah Zokhua, khuabawi nih Hakha police sakhanhmu sin ah phone in a chawnh piak hna hnu ah Police nih mi tlaihhrem tu pa cu an tlaih i a tu hi Hakha thonginn ah an hren lio asi tiah Zokhua peng khuabawi pa sin thawng kan theih..

Kan nih laimi zong daithlang in um a hmang mi ka um pah ve caah i ralrin deuh cu kan hau ve, atu lebang cu kawl lei in laitlang ah hlawhfa in rian a tuan mi zong an tam ngai cang, thil tlau zong a tlawm ti lo, cu caah zei bantuk asi zong ah ralrin deuh cu kan hau ve ko cang…

Thawnglatu: Salai BHThang

LEAVE A REPLY

Please enter your comment!
Please enter your name here