Hakha Peng Khuapi Ah Ngandamnak Inn Sakmi Onnak An Tuah.
2016 – 2017 Tangka kum ah Hakha peng Khuapi ah Ngandamnak zung lei in Si-ai peknak (46’x42′), Dalthum in (37′-6″x34′), Dalhnin (34’x32′) sakding in Tender an auh.
Tangka a tlawm, khual lamhlat a si pin ah lam a chiat caah a hohmanh nih Tender an la duh lo.
Tender an lak lo caah Budget a kir ding a si tiah uknak lei nih an ti caah Pu Thawng Kian (Mercy Par Construction Co.,Ltd.) nih khua le ram caah a paam tuk kanmah kan i zuam lai tiah an i khinhmi rian cu an lim.
An innsakmi cozah nih zohfelnak le pekchanhnak, onnak cu May 8 2018 ni ah hlunghlai ngai in Khuapi khua ah an tuah. Cuka hmun ah Pu Paulun Minthang (Minister of Health and Sport, Chin State) nih a tel pi hna.
Mercy Par Company ngeitu Pu Thawng Kian nih Khuapi khuami tar caah Blanket (babicawng a tha phun) zun 50 le Ngakchia harsa deuh caah Bag (ruksai) 50 laksawng ah a pek hna.
Pu Thawng Kian hi Khuapi khuami a si. Khuapi khua caah Tiin, Sianginn, Biakinn caah zohchunh tlak taktak in bawmhnak a pe lengmang mi a si. Victoria Camp Pastor Quarter ca zong ah tampi a bawmchan tu hna a si. Revolution day tuahnak ca zong ah a si khawh chungin a cawlcang ngaimi a si.
Pu Thawng Kian cu Gangaw in Hakha lei luhnak ah HtooSanThit Datsi zuarnak a ngeitu a si.
Tlawmpal ah cozah nih an onh ahcun Cawbuk cung lei Hakha khua heelnak ah Hotel zong sak aa tim.
Hotel saknak hmun Google Map in
Onnak an tuahnak muicawl an thlakmi tlawmpal a tang ah ka thil chih.
Video: Khuapi
