Michigan | USCIS cakuat kong ah Michigan Immigrant Rights Center in Managing Attorney Susan Reed nih a hmuh ning a chim mi Laica in kan van thlah than. Hi ca cu Michigan hrambunh Burma Center nih an thlah mi kha Laica in kan van leh than mi a si. 

——————————————-+———————————————————

Susan Reed | Managing Attorney – Michigan Immigrant Rights Center

     Keimah ka min cu Susan Reed a si. Michigan Immigrant Rigts Center i Managing Director ka si. Know Your Rights ti mi (Na covo thei) timi biaruahnak ah biahal mi pawl leh nak ka van ngei lai.

      Sihni sin I kan chim mi bia hi a him maw ti hi hal nak a um. A him. Sihni hna nih kan mi hna an konglam kha cozah sinah siseh mi dangdang sinah chim a ngah lo. Kan chim sual ahcun Sihni tuan nak nawl kan ngei lailo I, kan license zong an kan chuh lai. Cun, cozah nawlngeitu hna zongnih kan mi hna an kong kha an kan chimter kho lo. Mah hi cu Sihni vialte kan I khat dih. Immigration zung in Voluntary in auh mi interview kong kan I ceih lio hna I biahalnak a um mi cu, keimah pumpak kong ah le U.S ka ratnak kong ah zeihmanh thuh awk ka ngeih lo ahcun interview ah kal ka herh maw? Sihni I hlan hna ka herh maw? ti hi a si. A hmasa bik ah hi kong hi a biapi taktak mi a si. Cozah nawlngeitu hna he I chawnhbiak nak na ngeih mi ruang I a cang kho mi thil cu a biapi taktak mi a si (thil fawi a si lo). Ruahnak pek kan duh mi hna cu, a ho hmanh nih Sihni loin Cozah nawlngeitu chawnhbiak hrimhrim lo ding. Hi thil ruangah a cang kho mi thil hi a biapi tuk mi a si I, cozah nih thil tha lo na tuah ti an in hmuh usal ahcun thong thlak khawh na si I chuahsemnak ram ah kuat than khawh zong na si.

      Sihni I tel lo in interview ah siseh, inn ah siseh, siloah riantuan nak zongah siseh hi kong cu cozah he biaruahnak ngeih hrimhrim lo ding. Thil poimawh siloah thuh mi na ngeih lo zongah na fianglo kho (laklawh), na ttih kho men I thil palh na tuah/chim khawh sual mi a si. Zeihmanh thuh mi ka ngeih lo ahcun hi interview hi ka kal awk a si ko lo maw ti mi biahal nak kong ah van kir than ka duh. Kal uh, kal hlah uh ti cu kan chim hna lailo, nain hi bantuk thil sining ka theih tawk kan chimh hna lai. Hi bantuk thil kongah interview kal ruangah hlawknak a um lai ka zum lo. Hi interview I an I tinhmi cu nan konglam kha laak I nan mah doh tthannak siloah mi dang va dohnak ah hman ding a si ka zumh. Interview ah na kal lo ruangah thil thalo tonnak lam a um lo. Thil a si kho mi tu cu Immigration lei minung pawl nan inn ah si lo ah nan riantuan nak ah an ra in na kong an rak in hal khawh. Sinain hihi cu interview na kal zong an in hal thiamthiam ding a si. Thil a si kho rih mi cu nangmah kongah biaceihnak zungah a hmuh an tuah khawh, mah tik tu ahcun Court (biaceih zung) na kal a hau cang.

      A sinain, interview ah na kal zong, na kal lo zong ah hi thil cu an tuah thiamthiam khawh mi a si. Cozah nih biaceihnak zungah nangmah kongah a hmuh an on (taza cuai na ton) I zungah kal hau hrimhrim na si cang ahcun, mah tik ahcun zeiruangah dah zung ah an ka auh ti kha theih nak nawl na ngei cang. Atu bantuk in Voluntary interview (duh ahcun kal khawh, duh lo ahcun kal lo khawh phun) ah hin cun Cozah nih zeiruangah dah interview an in auh I na kong theih an duh ti mi kha an in chimh a hau lo I Cozah nih nawl an ngeih dih. Biaceih zungah chuahpi na si tik tu ahcun nangmah kha nawl na ngei deuh cang. Zeiruangah hi hi a can? Zei can dah a rauh lai ti kong biahal nak van leh kan duh hna. Zeiruangah hi thil a can ti hi kan theih ve lo. Asinain, Cozah nih Malaysia I refugee sining hi an thinphang ti cu a fiang. Cun, thawngpang relnak in kan theih rih mi cu Cozah ah hin, nawlngeihnak sang a ngei mi hna nih Refugee pawl hi ttihnung an si I, tha tein chek an si lonak kha fehter (hmuhsak) an duh caah a si.

     Hi thil kong hi kan Community nih thil biapi taktak ah kan chiah a hau, cozah ah nawlngeihnak sang a ngei mi hna nih American mipi sinah Refugee kan lak hna ning hi a dik lo ti hmuhsak a duh mi an um. Thinphan nak nih an bawm lailo, na covo na theih nak tu nih an bawmh lai. Biahalnak an in tuah tik ah zeihmanh chim lo (dai tein um) nak nih an bawmh fawn lai. Zeidah a cang lai kan thei lo, hi thil ruangah a cang kho mi thil hi ttih nung kho. Midang sining (mi min in) a rak hmang mi pakhatkhat nih ka luat nak ding ahcun hi lam lawnglawng a um ti in thil sining tein Cozah sinah a vai I phuan a si ahcun Cozah nih an rak lungtlin pi lai in an rak ngai thiam hlei lailo. U.S. ram ah kha bantuk kha a kal phung a si lo. Sihni hna nih thil diklo kha phuang ko cang ti in ruahnak cheuh nak a um hlan lo cu thil dik lo zong kha chim hrimhrim lo ding. Phone number (734) 239- 6863 ah nan kan chawnh khawh. 

LEAVE A REPLY

Please enter your comment!
Please enter your name here