Dallas | Kum 70 nak Chin Miphun Ni (Dallas) catial zuamnak ah Biazai tial in pakhatnak laksawng a co tu Duh Tin Kep biazai kan in hrawmh hna.

————————————–x————————————————————–

      Kum 70 Daar

Ho pen bal lo, kan Chin ram ah
Khua rak sa hna, Chin pipu hna
Mah te khuakhan, lairelnak in
Rak i hruai hna, ho van hai lo.

Aanpei ram dang, vun raang rual nih
Rak ramh hna maw, kan Chin ram nuam
Fei le naam he, phaw i chon in
Rak do ve hna , kan pupa nih.

Naichai lo heih, pasal tiin
Rak dironh hna, ram dawtnak he
An hriam le naam, i dan hrat cu
An rak pen hna, rili ral in.

Ramuk bawi cu, zawng raang rual nih
Ro bang roh hna, kan Chin ram ah
Kuli thingon, ramnga an ti
Rak reep leen hna, Chin mipi cu.

Ramuk bawi hi, kan tum si lo
Mi hrin fa cio, pei kan si ti’n
Rak do hna maw, phung ttha lo cu
An hlawhtlin ni, kan miphun ni.

Kawl chia rual nih, kan miphun ni
Fir rak tim hna, namnehnak he
CNA/F nih, an zaal sanh cia
Chut tthan hna maw, phun tung ding in.

Nihin ah cun, kum 70 kan tling
Lawm cio u sih, kan phun pi ni
Vawlei khua za, ram kip hrawl she
Miphun dawtnak, bia le hla nih.

Ram dawtnak he, a lam kip in
Ramrian caah, nun thaaptu hna
Mah le peng ttanh, kortet nun hlaw
Chin ram caah, na nun hmang cang.

Lai mino hna, na cawn fimnak
Kan Chin ram nih, a herh khun ko
Teiman thlu law, ram caah ti’n
Kan ram tthang seh, nonawn thawng in.

Pathian thim mi, pastor hna le
Thlarau mifa, evan zong nih
Mah le mah doh, tthin cang u law
Bongmal sawm cang, miphun caah.

Dotthiang cung tthu, mangbawi rual le
Mipi rian khinh, ttuavun hna nih
Mah zal sanh le, pawkhimnak lawg
Ruat ti lo in, miphun daw cang.

Duh Tin Kep (Canada | Vanzang)

 

 

 

LEAVE A REPLY

Please enter your comment!
Please enter your name here