January 26, 2018| Hakha, CHIN – The Hakha Post nih tuah mi Miss The Hakha Post 2017 luchin peknak cu Hakha in ai zuam mi Genevieve Van Iang Mawi nih a co tiah tawlreltu hna thawngzamh nak in theih a si. Pahnih nak ah Cung Cer Cin (Falam) a si i pathum nak ah Shwe Hle Sung(Matupi) a si. Teinak a co tu Genevieve Mawi nih vote 8445 in Cung Cer Cin 8409, le Shwe Hle Sung 8382 cu a tei hna.

Laksawng peknak kongah “MISS The Hakha Post 2017 kan tuah mi ah laksawng a phunphun in pek a si. Winner cu luchin, liangbah, trophy le tangka, 1st Runner-up le 2nd Runner-up cu liangbah, trophy le tangka pek an si lai. Cun, mah Pengtlang ai-awhtu MISS pohpoh cu upatnak Roca pek dih an si lai” tiah The Hakha Post nih an langhter.

Tutan Miss zuamnak ah teinak a hmu tu Genevieve Mawi nih “Hi ban tuk dirhmun tiang lam a ka hruai tu Bawipa min ka thangthat. Hmun kip ka kip in thazang a rak ka pe tu mipi nan za te cung ah lawmh nak tam pi ka ngei, Judges le Board of Director nan cung zong ah ka lawm tuk nan dih lak cung ah Pathian nih hmailei nan lam thluan ah thluachuah nak he lam in hruai zungzal ko hna she” tiah a lunglawmhnak a langhter.

The Hakha Post nih tuah mi Miss The Hakha Post 2017 ah teinak hmutu Genevieve Mawi cu Hakha khuasa Hriangkhan khuami Pu Ceu Bik Lian le Pi Dawt Len Tial (Hakha) hna I an fanu a si.

Miss The Hakha Post Genevieve Mawi1st Runner Up Cung Cer Cin2nd Runner Up Shwe Hle Sung

Laknak: Hakha Post, Pumpak facebook

LEAVE A REPLY

Please enter your comment!
Please enter your name here