Dallas – CYO Dallas nih tuah mi Catial zuamnak ah Biazai in pa khatnak a ngah tu Stanley Nawl I “Zandai tang in” ti mi biazai kan van tar.
———————————————————————————–
Zaandai tang in
Ramhningzak bang tongh ah a cawl mi
A dai mi tidil cung, hnah a tlak bang in
Ka thinlung a cangvai, nang kan ton sin
Zaan ah a par mi rimhmui par dawh
Duh a nung khun mi zaan par dawh
Ramsa hna dai dip dep in an ih lio ah
Ka zuun hla zong a dih cang
Ka ttingttang zong a lai cang
Fingrei zong a cat deng ve cang
Nifatin ka ttial mi tuan bia
Remh awk a ttha tilo mi Kan dawtnak
A tlau tilo ding mi Ka thin lung chung i dawtnak
Zeizong vialte dai zirziar in a um lio ah
A cawl cang mi ka thinlung nih
Zaan pardawh i hlasak thawng cu a theih khawh
Ka remh khawh mi ka ttingttang le ka nun ziaza
Ka hnawh khawh tilo mi ka tuanbia le kan dawtnak
A sunglawi mi na dawtnak hngak in
Zaan dai tang in an hngak mi kei
Kan duh dawt nak co hlang hram mu.
