CHIN, MYANMAR – BACI Executive Director Elaisa Vahnie cu kum 22 chung Mara ram avoikhat tlunnak ah Marami hna nih ropui takin an don, tiah thawng kan theih.

Aru khuami nih an khua dihlaktein Jan. 9 ah an don hna i, Chin State ah Khuapi (Town) a thar in a hmu mi Lailenpi khua nih minung 400 in an tlun ni Jan. 13 ah an don hna i, cu hnu athaizing ah Lailenpi Town Mipi le Mara tlang vialte nih an thlahmi palai hna he an i ton i bia ruahnak an ngei. Federalist democracy in Burma ram, Chin State, le Mara ram i hruai ning kong, ram le miphun thanchonnak kong hna an i ruah bik tiah theih a si. Cuka ah cun Aru khua le Lailenpi khuami nih Sia 2, vok 5 that in sunglawi ngaiin Vahnie cu an conglawmh tiah thawng kan theih.

Tutan Mararam a kalnak hi BACI (Burmese American Community Institute) riantuannak ah  Chin State ca mission a si I, Hakha le Rih Lake an tlawn hnu kum 22 a chuah tak cangnak an khua ah an kal hi a si. Anupi asimi Dr. Far Tha Chin Sung zong nih a zulh ve, tiah kan theih.

BACI News

LEAVE A REPLY

Please enter your comment!
Please enter your name here