November 23, 2017| Lawngtlai, Mizoram – International Chin Christian Youth Conference a voikhat nak cu Lawngtlai khua ah 23 November zan ah civui on nak an tuah cang.
ICCYC Civui Chief Guest ding in sawm mi Mizoram Chief Minister Lalthanhawla cu nikhua a that lo ruang ah ai let I, a mah ai ah Chief Guest ah Minister Pu C.Ngunliancung nih a tel pi hna.

ICCYC civui on nak ahhin Lai Pupa holh K.Sangchum nih a tuah mi cu T.Zakung CEM nih tlanzarhnak tuah tiah kan theih. ICCYC Chief Guest C.Ngunliancung nih cun “Lawngtlai khuapi hmanh ah Lai holh zahpi le Laimi sinak zahpi mi kan tamtuk cu khuaruah ngai ding kan si” tiah a chim. “Laimi cu hmunkip le ram kip ah um hmanh usih law Bawipa kan zumh chung poah cu kan miphun a tlau lai lo” tiah forhfial nak bia a chim.

ICCYC on nak ahhin T.Zakung CEM LADC le CBC USA in Rev. Dr. C. Duh Kam hna zong nih biachim nak an ngei. ICCYC Civui cu November 26 tiang hman a si lai. Tutan civui ah hin Bangladesh, Myanmar le India in Chin mino tampi an I tel kho hna tiah theih a si. ICYCF tlantar cu “Unity” ti a si. (By Salai Valkim Menrihai)

 

LEAVE A REPLY

Please enter your comment!
Please enter your name here