Kalaymyo (Hakha Post) – Chinmi tampi kainak Kalay Sianghleirun nih November 11 ah kum linak sungh-awn cazin an tar i Chin siangngakchia 73 an i tel tiah thawng kan theih.

Hi result a chuak mi cu major 12 a si i hi chung in minung 126 nih qualify an lut. Chin siangngakchia 73 an i tel. English major in minung 14 qualify an luut i Chinmi 5 an i tel. Burmese major in minung 18 an luut i Chinmi minung 3 an i tel. Physics major in minung 16 an lut i Chinmi 7 an i tel. Chemistry major in minung  15 an lut i Chinmi 13 an i tel. Philosophy major in minung 4 an lut i Chinmi 2 an i tel. Mathematics in minung 6 an lut i Chinmi 3 an i tel. Geology major in minung 5 an lut i Chinmi 3 an i tel. History major in minung 23 an lut i Chinmi 18 an i tel.  Zoology in minung 13 an lut i Chinmi 11 an i tel. Botany major in minung 12 an lut i Chinmi 8 an i tel. Geography major le Oriental major in pakhat hmanh a qualify mi an um lo.

“Tutan qualify a lut mi an tam hi siangngakchia hrimhrim ca an i zuam. Hlan lio i sianghlei rak kai bantuk in an kai ti lo. Ca an i zuam tuk cang. Cun qualify mark laak ning hi Rector te nih dawtnak he an thumh deuh i kan tamchinnak a si. Hmailei zong ah atu bantuk in Chinmi nih qualify luh i zuam chin rih a hau,” tiah Physics Department in Dr. Sang Hlei nih The Hakha Post ah a chim

Kalay Sianghleirun cu minung 6000 leng kainak a si i kum linak camipuai a phi mi minung 1410 an si.

Hmanthlak: Kalay University website (Tutan qualify hmumi hna an ithlak ttinak si lo)

 

LEAVE A REPLY

Please enter your comment!
Please enter your name here