CHIN (Hakha Post) – Chin Ramkulh Thlanglei Paletwa Kaladan hlei cu Chin Ramkulh Cozah hruainak in tangka 12.4 billion dih in an dawnh cuahmah, 2019 kum ah an dih lai, tiah thawng kan theih.

“Keimah zong nih ka va zoh ve. A ropui taktak khi a si. Matupi le Paletwa kar thir hlei a si i atu hi 2016-2017 tangka kum budget 3.4 billion dih in an tuan cuahmah. 2018-2019 tangka kum ah budget 9 billion a tla than lai i, 2019 kum ah an dih te lai. Pe 1942 (592 m) a sau i pe 24 a kau. Minung kalnak pe 3 veve zong a umchih. Paletwa hi motor a phanh rih lo tik ah atu hlei aa lim hin cun motor zong a phan ve cang lai. Cucaah, khuachung lam pawl zong Sipin le Khuanu Khuapa i bawm in kan kauh cuahmah,” tiah Chin Ramkulh Sipin Lutlai Pu Thla Hre nih The Hakha Post ah a chim.

LEAVE A REPLY

Please enter your comment!
Please enter your name here