Hakha (Hakha Post) – Khuate thanchonak ca pehzulh in riantuan ding i hmaithlak mi hna kong he pehtlai in Chin Ramkulh Cozah Zungkip Lutlai hna, NGO le INGO hna i tong in ceihmainak cu November 8, Chin Ramkulh Khuate Thanchonak Zung ah an tuah.

“NGO, INGO le Cozah nih a lam kip in khuate thancho nakding riantuan cio a si. NGO le INGO zong nih mizapi lungtling in le an duhnak laak in an khua thanchonak ca ah rian nan tuan cio hna. Asinain, a poi ngai tawn mi pakhat cu NGO le INGO hna nih khuami duhnak a si ko tiin upadi a um ti mi philh riangmang i riantuan kan hmang. Kam khatlei ah khuami duhnak si hlei ah thanchonak riantuan mi a si ko nain upadi cu aho hmanh nih lonh awk a tha lo mi a si tik ah thil a tlamtlin hnga tluk in thil a si tawn lo. Cucaah a tha bik mi cu NGO le INGO hna nih mahle tuan mi he aa pehtlai mi Cozah Zung he i pehtlai in ceihmai hnu le ruahnak chuahti hnu i riantuan ahcun a tlamtling deuh lai,” tiah Cinthlaknak le Zuatkhalhnak lei Minister Pu Mang Hen Dal nih a chim.

Hi hmun ah a kai mi Cozah lei le NGO lei in upa hna nih an ruahnak le hmailei ah tuan ding in an i hmaithlak mi rian chim fianhnak zong an ngei. Kapkhat le kapkhat bia i halnak le bia i lehnak zong an ngei.

LEAVE A REPLY

Please enter your comment!
Please enter your name here