Thantlang (Hakha Post)

Thantlang, Zunghmun sang, Dingdi lam um zapi hnawm cu Sipin nih thla 4 chung a thletpiak ti hna lo tiah October 19 ah kan theih.

“Hi hnawm kan thletpiak ti hna lo nak hi fuur a si ruang ah lam a chia i motor luhchuahnak ah a har deuh ca ah a si. Cun, hi lam pawng ah a um mi hna i an mei-hri, salawng- hri le telephone hri tibantuk hna nih lam a naih tuk i motor kalnak a dawnh caah a si. Hi hri pawl an remh dih hnu cun an hnawm kan thletpiak cang ko hna lai,” tiah Thantlang Sipin Committee upa pakhat nih The Hakha Post ah a chim.

Cun, hi kong he pehtlai  in cuka pawngah a um mi (Mucu) sayamah pakhat nih,”Hnawm an kan thletpiak ti lo nak hi thla 4 hrawng a si cang i hnawm thletnak kan ngei lo.  Cun, inn pawngkam hnawm thlet a thatnak hmun i kan thlet tik ah a pawngkam um mi nih an duh fawn lo,”tiah a chim ve.

Hi bantuk in khuachung thianhhlimhnak ah tuanvo ngeitu Sipin nih thla 4 chung hnawm a thletpiak ti hna lo tik ah cuka pawng hrawng a um mi zapi nih hnawm hlonhnak hmun an ngei tilo tiah theih a si.

 

LEAVE A REPLY

Please enter your comment!
Please enter your name here