Thantlang (Hakha Post) – Thantlang khua ah TABC nih ramchung ramleeng khualtlung mi hna caah tiin guest house an sak lai tiah October 18 ah thawng kan theih.

“Hi Guest House sak kan i timhnak hi ramchung in siseh, ramleng in siseh, khualtlung an um tikah thutdirnak kong ah harnak an ton tawn kan theih ca ah hi khualtlung hna hi Thantlang khua an rak tlawn tikah thutdirnak kong he pehtlai in lungretheilo tein an um khawhnak ding ca ah atu bantukin ramleeng um kan unau a simi Khrifabu khat hna sin ah bawmh hal bu tein hi inn sak kan i timhnak hi a si tiah Thantlang TABC zung ah riantuantu pakhat a si mi nih The Hakha Post ah a chim.

Cun, Hi kong he pehtlaiin ramleng leiah a um mi kan unau a si mi Khrifabu khat hna sin ah bawmhnak kan hal i a kenkip in ramleng ah a um mi kan unau hna nih bawmhnak an kan pek. Cun, hi guest house saknak ah phaisha Kyats sing 3,000 hman ding in timhtuahnak kan ngei tiah a cunglei upa sin in kan theihchap.

LEAVE A REPLY

Please enter your comment!
Please enter your name here