Hakha (Hakha Post) – Chin Ramkulh Cozah hruainak in ram daihnak ca ah biaknak kip fonh in thlacamnak cu October 17, Hakha khua Carson Hall ah an tuah than.

Hi thlacamnak ah Chief Minister Pu Salai Lian Luai, Hluttaw Chairman Pu Zo Bawi, Chin Ramkulh Cozah Minister hna, Biacaih Bawizik, Upadi Bawizik le Ramkulh Zung kip upa hna nih an telpi hna i Chief Minister nih bia tawi chimnak a ngeih. “Hi thlacamnak kan tuah mi hi kan rampi him seh, kan rampi ah daihnak um seh ti kan duh ca ah kan tuah mi a si. hi thlacamnak ah a ra kho mi biaknak kip in lutlai hna nan cung ah lunglawmhnak ka ngei,” tiah a chim.

Hi hmun ah Chin Ramkulh Buddhist biaknak lei lutlai siseh, Hakha khuachung um Khrihfabu kip hruaitu hna an tling. Khrihfa biaknak lei in HBC Senior Pastor Rev. Dr. Stephen Lian Hup Ling nih, nihin kan ram nih remdaihnak kan herhnak le remdaihnak a um khawh nakding chimnak zong a ngei.

LEAVE A REPLY

Please enter your comment!
Please enter your name here