HAKHA (Hakha Post) – CACC Literature & Publication Department hruainak in October 16 CACC Zung ah kan Laiholh in kan ngeih ko nain miphun dang holh in kan hman mi pawl le kan holh ah kan ngeih lo mi miphun dang Kawl le Mirang holh kha Laiholh in leh ding kong workshop an tuah.

“Kan Laiholh hi zeitin dah kan thanchoter lai kan ti tik ah a holh cawn lawng si lo in miphun dang holh kan holh in kan ngeih lo mi kan holh in leh le min sak hna zong hi a biapi tuk mi a si. Cucaah CACC nih kan Laiholh thanchonak ca ah kan holh thar tuah hi rian pakhat ah a ruah ve mi a si,” tiah Literature & Publication Department Secretary Pastor Lai Cung nih a chim.

Tutan workshop ah The Hakha Post in Pa P u i n i h “ C h i n Thawngzamh pawl nih nifatin thawng kan tial tik le kan zamhnak ah kan Laiholh ah kan ngeih lo mi miphun dang holh thar pawl leh ding le leh lo ding kong ah harnak kan ton mi a um peng. Hi pawl hi kan holh in let lo in miphun dang holh in kan hman peng ahcun Chin thawngzamh pawl hi kan Laiholh a tlautertu kan si sual lai ti kan phang. Cucaah holh thar hi kan leh lengmang a herh ko. Cu lawng si lo in kan holh ah kan ngeih ko mi Kawl holh le Mirang holh in kan hman mi zeimaw zat hna zong hi kan holh tein kan hman a herh ko,” tiah a chim.

Tutan ah Hakha, Thantlang Khrihfabu kip, le CACC Laica lei upa hna minung 40 leng an kai. Hi bantuk in Laiholh thar tuah i fehter mi pawl cu a cauk in chuah in zapi sin ah chuahpi lengmang ding in timhlamh mi a si.

LEAVE A REPLY

Please enter your comment!
Please enter your name here