HAKHA (Hakha Post) – 2017 Chin Idol hlasak zuamnak level 3 ah minung 15 an kai lai i October 19 zaan in an thawk lai tiah tuanvo ngeitu sin in kan theih.

“Level 3 kainak ah aa zuam ding minung 8 hrawng nih an sa rih lo i October 17 zaan hi an sa ve lai,” tiah level 3 kai nakding aa zuam cang mi hlasatu pakhat nih a chim. Level 2 ah minung 27 an i zuam i Level 3 cu October 19 zaan in an thawk than lai. Minung 10 (Top 10) thim an si lai. October 27 zaan in top 10 zuamnak thawk than a si te lai tiah theih a si. C h i n I d o l l a k s a w n g pahnihnak sing 7 rak ti mi kha Hakha Pu Chum Ling (Ram Thang Pa) nih sing 5 a chap than i sing 12 a si lai. Pathumnak sing 5 ti mi kha Pu Chum Ling thiamthiam nih a chap than ca ah sing 10 a si lai.

October 27-28 zaan cu ticket zuar in Carson Hall ah zoh a si lai. Thutdanh 300 chiah a si lai i pakhat ah Ks. 2,000 in zuar a si te lai. Cun, October 29 zaan cu thutdan pakhat Ks. 3,000 in zuar a si te lai, tiah theih a si. “October 25 ah Sung Tin Par, David Lai, Herh Lian le Saya Cung Aung zong an phan lai. October 24 ah ringawn tumtu hna an phan lai,” tiah CACC in Pastor Khar Ling nih The Hakha Post ah a chim.

LEAVE A REPLY

Please enter your comment!
Please enter your name here