MYANMAR (Hakha Post) – Chin United FC hi kum sarih a kal cang i tangka lei harsatnak tampi a um ca ah kanmah Chinmi nih ka chawng cang hna seh ti ka duh tiah Chin United FC a dirhtu le a ngeitu a si mi Rev. Dr. James Lian Sai nih October 16 ah a chim.

“Kan pehzulh khawh ti lai lo nak a ruang cu tangka sungh mi a tam tuk cang. Chin Ramkulh Cozah sin ah project kan hal hna zong ah kan hmu kho lo i kan tuah kho ti lai lo. Ka duh bik mi cu Chin aiawh in dirh mi a si bantuk in kanmah Chin mi nih ka chawng ve cang hna seh,” tiah The Hakha Post ah a chim.

Chin United Football Club nih kum sarih chung ah tangka Kyats sing 28,000 leeng an hman. Myanmar aiawh pumpululh phu ah minung 3, 4 an chuahter hna. 2013 ah MNL-2 Champion an co i cu lio ah Chin Ramkulh Cozah Chief Minister a rak tuan mi Pu Hung Ngai sin ah an laksawng zong an rak ap. Laksawng lawmhnak zong an rak tuah tiah Rev. Dr. James Lian Sai sin in kan theih.

Chin United Football Club ngeitu Rev. Dr. James Lian Sai cu Thantlangpeng Zaangtlaang khuami a si, Church On the Rock (COTR) Khrihfabu dirhtu zong a si. Cu pin ah Bible sianginn le ngaktah cawmkennak a tuah. Amah cu Chin miphun lak ah bochan mi le upat mi pakhat a si.

LEAVE A REPLY

Please enter your comment!
Please enter your name here