Thantlang (Hakha Post) – Thantlang khua ah 2017 kum Lai Kumthar (Tho) tuah nakding kong he pehtlai in timhtuahnak an ngei lo, tiah October 16 ah thawng kan theih.

“Tukum ah atu bantuk in Chin Kumthar (Tho) tuah kan i timh lo nak hi tuah nakding kong he pehtlai in nihin tiang ah ceihmai nakding hrihhawhtu zong kan um lo ca ah a si. Cun, hihi phung le phai nih a ngeih mi, tuah hrimhrim awk a si mi thil a si lo i, tuah khawh a si ahcun thil tha a si. Tuah khawh lo a si zong ah a poi tuk mi thil a si lo ca ah nihin tiang ceihmainak kan ngeih lo nak le tuah kan i timh lo nak hi a si lai ti in ka ruah,” tiah Thantlang Zunghmun Sang Khuabawi Pu Val Hlei Thang nih a ruahnak The Hakha Post ah a chim.

Cun, hi kong he pehtlai in TYA ah Lutlai a si mi Pu Tuan Uk nih, “Tukum ah kanmah TYA leikap in tuah kan i timh lo nak hi a ra lai mi November chung ah Tlangthluan Pumpululh Chuih Zuamnak tuah kan i timh ca ah le Chin Kumthar (Tho) tuah nakding ca ah a dih ding mi budget tlamtling in kan ngeih lo ruang ah a si” tiah a chim ve.

Chin Kumthar (Tho) cu a tuah kho mi poh nih rak tuah a si i TYA nih voi khat an rak tuah bal. Cun, Rual-U nih voi khat an rak tuah. asinain, tukum cu a tuah kho ding mi an um lo ca ah tuah lo ding in timhtuah a si.

LEAVE A REPLY

Please enter your comment!
Please enter your name here