A voi 12nak Lai Kumthar (Tho) cu Yangon Khualipi um Laimi nih October 14, zing 9:00 in 6:00 tiang hlunghlai ngai in an tuah than lai. Hi Lai Kumthar (Tho) cu Chin United FC a
ngeitu Rev. Dr. James Lian Sai nih a ngeihchih mi ACTS Bible Sianginn ah tuah a si
lai. Hi hmun ah Lai laam a phunphun laamnak le Fashion Show zong tuah a si lai. Cun,
Pu Ni Kio hruainak in Lai nunphung laam hmuhsaknak le hlasak thiam tampi nih hlasaknak
a ngeih hnu ah Lai paih zong a umchih lai, tiah theih a si.

A voi 12nak Lai Kumthar (Tho) Yangon ah tuah than a si lai “Hi Lai Kumthar (Tho) hi 2005 kum ah rak thawk in tuah a si kum hnih le kum thum chung cu a nung kho deuh le a si kho deuh nih tangka thawh in tuah a rak si. A si nain , tuta n c u committee minung 15 nih thawhvo kan then i Ks. 100,000, Ks. 50,000 le 30,000 tiin kan thawh cio. Kum fatin sing 30 a dih tawn i tutan zong cu hrawng cu dih dawh a si ko,” tiah Lai Kumthar (Tho) Timtuahtu Committee Secretary Pu David That Bik nih The Hakha Post ah a chim.

Khuallian ah Vice President-2 Pu Henry Van Thio le Yangon Ramthen Chief Minister U Phyo Min Thein sawm an si nain, cunglei in nawlpeknak thar a chuak mi ah Ramkomh huap a si lo mi ah i tel lo ding ti a si ca ah mi dang kan sawm ti hna lo. CNF/A in Pu Ram Kulh Cung, Pu Za Ceu Lian, Dr. Sui Khar le Pu Bawi Khing hna hi khuallian le biachimtu ding hna cu an si te lai, tiah theih a si. Chuncaw ah Lai chang tleep 1200 an i ring i lakphakti le haangthlum he ei a si lai. Hi hmun ah kal a duh mi ca ah tuanvo ngeitu nih bus 5 hlanpiak in chiah le don an si lai, tiah theih a si.

LEAVE A REPLY

Please enter your comment!
Please enter your name here