Tedim peng Laitui khua in Kalay lei ah a kal mi motor No. 8J-1985 NISSAN
thilphor motor cu Kalaymyo in meng 29 le furlong 5 aa hlaatnak, Taingen le Hriangzing
khua karlak lam thlang ah a tla i minung panga an thi tiah theih a si. October 10 zaanlei
suimilaam 4:30 hrawng ah cu thil a can cu a si i a tlaknak hmun in a thlang pe 150 hrawng a niamnak motor lam cung ah a taang. Aa let mi Tedim – Kalay lam ah motor aa let i minung panga an thi motor cu minung 30 hrawng nih an i cit i cu chung ah nu panga an thi, minung 12 Kalay sii-inn ah an chiah hna. Hma a pu mi chung in pathum cu thinphaang dirhmun an si.

                 

       A dang 14 cu faak in an i khawng lo i leeng lei pemkeunak hma lawng an pu tiah theih a si. Kalay sii -inn ah an chiah mi hna cu tuanvo ngeitu hna nih an va zoh hna i thazaang peknak le hnemhnak bia an chim. Mithi panga hna ca ah; mithi pakhat ah Kyats sing khat an bulh hna i sii-inn chiah mi minung 12 ca ah; minung pakhat Kyats 50,000
in an bawmh hna. Cu aa let mi motor a rak i cit mi hna lak ah Tedim peng Laitui khua ah Khuado puai ca ah tuah mi pumpululh zuamnak ah pakhatnak a hmu mi phu le nu le ngakchia an i tel tiah theih a si.
(MOI, Kalay Pengkomh)

LEAVE A REPLY

Please enter your comment!
Please enter your name here