Nay Pyi Taw ah Myanmar Ram Fimthiamnak Zung nih tuah mi 2017 World Teacher’s Day ah Sayakyi Lian Tial cu Upatnak Roca (Kungthu Sawng Puhku Kyi Suh) an pek. Hi upatnak roca hi Myanmar ram Ramkulh le Ramthen chung in minung pahra pek an si. An peknak hna a chan cu, Myanmar ram chung Fimcawnnak lei riantuantu hna lak ah an riantuannak chung in upat tlak tiah ruah mi hna an si. “Mah hi upatnak roca an ka pek mi hi Ramkulh le Ramthen kip in rak chuahpi cio mi chung in pahra an kan thim mi a si.

Rian ka tuan thawk in ka pension tiang ka riantuannak zoh in an ka pek mi a si,” tiah Sayakyi Lian Tial nih The Hakha Post ah a chim. Upatnak an peknak ah biapi in an laakpiak mi a riantuan mi hna cu: Sayakyi a tuan lio ah amah nih ca zong a chimhchih, Hakha 1998 Siangngakchia Puai i, a riantuannak, Naga Fimthiamnak tuanbia cauk le Hakha Fimthiamnak tuanbia cauk a tial mi, Makwe Myo ah Ramthen Fimthiamnak Zung i, a tuan lio ah Sianguk pakhat nih kum khat chung a rian tungtlang a suaipiak mi hna, Cauk phun 27, cabia 100 a tial mi, Chin Ramkulh Fimthiamnak Tuanbia cauk a tial mi le a dang a riantuan mi chung zoh in pek mi a si.

World Teacher’s Day ah Sayagyi Lian Tial cu Upatnak Roca an pek Sayakyi Lian Tial hi atu hi CACC ah Chin Readers Committee, CARD ah Ruahnakpetu le Myanmar Fimcawnnak Foundation ah Chin Ramkulh in Chairman, Chin Ramkulh Cozah Fimcawnnak le UNICEF i bawm in Fimthiamnak lei rian Committee chungtel a tuan lio a si. A m a h h i M a k w e Ramthen in Inspector of Schools (Ramthen Fimcawnnak lei Sitseyehmu Hlathlaitu rian, 2008 June in pension a la. A Chuahkehnak khua cu Thantlang Peng Sentung khua a si

LEAVE A REPLY

Please enter your comment!
Please enter your name here