Hakha (Hakha Post) – Lai Rapper Paling cu Mizoram  Lai Student Association nih kumkhat voi 1 an tuahtawn mi Mizoram Lai Student Association nih itonnak an ngeih mi ah an sawm  i a kal lai.

Hi i tonnak hi Mizoram khualipi Aizawl khua Vanapa Hall ah 2017 October 19 ah tuah an timh. “Tutan ka hlasak ding hi ka thim kho rih lo. Zeizat ka sakding zong ka hngal kho rih lo” tiah Lai Rapper Paling nih The Hakha Post ah a chim.

Nikum 2016 October 15 zong ah Lai Rapper Paling hi an rak sawm cang i hlasatu zong minung 3 an si. DJ Lalvenghimi, Mizo, Aizawl ummi le Lilzo Mizo, Aizawl um le Lai Rapper Paling hi an si. “Nikum ahcun hla fung 3 sak ka timh mi a si nain fung 5 tiang an ka sakter, fung 3 lawng kaa timh cu, an mah lei kha ka rinh deuh hna caah a si” ti zong a chim chih.

Lai Rapper tlangval Paling hi Hakha Auto Sang um mi a si  i,Chin mi lakah Rap hlasatu kan ngeihchun le kan hmai a kan hngaltertu pakhat a si  i   miphundang lak zong ah kan i zahpi ve lo mi a si.

LEAVE A REPLY

Please enter your comment!
Please enter your name here