Myanmar (Hakha Post) – Myanmar ram Vice President-2 Pu Henry Van Thio nih Believers Church nih Yangon khua ah tuah mi National Women Conference ah nu hna nan thawnnak le nan thil ti khawhnak hna hi thatnak lei ah siseh, tiah October 6 ah a chim.

“Nu hna hi thazaang a thawng mi le thil ti khawhnak tampi a ngei ve mi nan si. Cu nan thawnnak hna cu taksa lei le Thlarau lei in siseh. Nan thawnnak le nan thilti khawhnak hna hi thil tha tuahnak lei a si mi thatnak lei ah siseh. Cun, nu hna nih Pathian nih a hlei in thlacamnak lei ah thluachuah an pek mi hna nan si, tiah ka cohlan. Kei zong ka nu thlacampiaknak le ka nupi a nu le a ule hna thlacampiaknak thawng in hi dirhmun ka phak khawhnak hi a si, tiah ka zumh. Cucaah, Zumtu hna kan hriam tha bik cu thlacamnak a si bantuk in nu hna thlacamnak lei ah nan tha chuah chin lengmang rih ko u,” tiah Pu Henry Van Thio nih a chim.

Hi National Women Conference ah a biapi in cawn ding mi cu ‘Women Power’ ti mi tlangtar in a si. Hi hmun ah Chinram Chak le Thlang, Kawlrawn chung, Rakhine Ramkulh le a dangdang hmun hna in minung 500 tluk i tel ding mi tonpumhnak a si.

LEAVE A REPLY

Please enter your comment!
Please enter your name here