Myanmar (Hakha Post) – B e l i e v e r Church ramchung Nubu Tonpumhnak (Believers Church, National Women Conference) cu Bel ie ve r s C h ur c h Myanmar Head Quarter, Yagon khua ah October 5 in 8 tiang tuah cuahmah a si i cu hmun ah Myanmar ram Vice President-2 Pu Henry Van Thio le a nupi Dr. Anna Sui Hluan nih an telpi ve hna, tiah thawng kan theih.

Dr. Anna Sui Hluan cu October 5 Believers Church, National Women Conference honnak hmun ah aa tel mi Bishop Dr. CK Nochum, GS Rev. NC Thawng Tha Thang le Believers Church National Women Leader Mary Ann hna he ribbon tannak an ngei. Cu a dih hnu ah thawngtha chimnak zong a ngei i chun cawnnak hmun ah Women of Power ti mi tlangtaar in cawnpiaknak a ngeihchap hna. October 6, chun 1:00 in 2:00 kar ah Myanmar Vice President-2 Pu Henry Van Thio nih a telpi ve hna i cu hmun ah a chim mi cu, “Nu hna hi zaangder mi nan si lo zaang a thawng mi le thil ti khawhnak a ngei mi nan si. Ram dangdang chim lo kanmah he aa naih bik mi Asia ramchung hmanh ah nu nih President an tuannak le Chief Minster an tuannak ram a tlawm ti lo. Myanmar ram lila hmanh ah Daw Aung Sang Suu Kyi nih a lu bik an kan tlaihpiak. Cucaah, Nu hna hi thil ti khawhnak a ngei ve mi nan si,” tiah a chim.

“Dawtnak kan cung a ngeih mi ruang ah kan sin a ratnak hi a si. Rian tampi le ruah mi tampi lak ah hi bantuk caan a rak tenh mi hi thil har tuk a si. Caan a har tuk mi ah a rat mi hi nu zawn a ruah ruang ah a si ko,” tiah Bishop Dr. CK No Chum nih lunglawmhnak bia a chim. Hi hmun ah Myanmar ramchung ah hlasakthiam a si mi Iris Zin Mar Myint, Chaw Su Khin, Soma le Chinmi le Mizo ram nih theih ngaingai mi PBK Liankhuma nih hlasaknak in an telpi hna lai. A sa cang mi zong an um i a sa rih lo mi zong an um rih.

LEAVE A REPLY

Please enter your comment!
Please enter your name here