HAKHA (Hakha Post) – Hakha khua lamtonnak kip ah Traffic Police nih lam zulhphung cawnpiaknak, ralrin peknak le manlo in sticker phawtnak cu September 28 thawk in nihin tiang pehtlai in an tuah. Khuachung ah motor le motorcycle suimilaam pakhat ah meng kul nak rang in mawngh lo ding, motorcycle ciit tik ah lukhuh i khuh hrimhrim ding le zu riit bu in mawngh lo ding tibantuk an cawnpiak hna. “Zu na riit bu in mawng hlah, na mawngh ahcun rii hlah,” ti in aa tial mi sticker cu motor le motorcycle ah an benhpiak hna.

“Kawlrawn ah cun lam a kau, a ding i khuachung lam ah suimilaam pakhat meng 30 in rikhiah a si. Laitlang cu lam a bi, chukcho lawngte a si. Lam a kawi fawn. Cucaah lam sining kan zoh i kan tah dih hnu in suimilaam pakhat meng 20 mawngh ding in rikhiah kan tuahnak a si,” tiah Traffic Palek Duh Yehmukyi Kyaw Oo nih a chim. H a k h a k h u a a h ningcanglo in motorcycle a mawng mi an tam ruang ah thla fatin a thi mi an um i aa khawngdeng mi ni fatin ti awkin an um tiah Hakha sii-inn in theih a si.

LEAVE A REPLY

Please enter your comment!
Please enter your name here