CHIN (Hakha Post) – Chin Ramkulh khualtlawnnak motor lam le suul cu furpi a si, ruahti a tam bantuk in vawlei a cimhnak hmun le lam a chiat deuhnak hmun ah lam siamremhtu hna nih an umhnawh i pehzulh in remh cuahmah lio a si, tiah Chin Ramkulh Lamsuul Minister Zung in thawng kan theih.

“Khual lam cung ah lam rawh ruang i motor a dir ding, a taan ding le an riah ding hi kan duh mi a si bak lo. Cucaah, a si khawh chung in kan remh cuahmah, a hmun bak ah tank he lam remh mi nih an umhnawh ko. Zaan i a cim mi le a rawk mi tu hi cu zaan ahcun remh awk tha lo i phundang a va si hnga. Cu ti lo poh cu lam rawh ruang i lamcung an taan ding cu kan duh hrimhrim lo, kan remh cuahmah ko,” tiah Chin Ramkulh Lamsuul lei Minister Pu Sui Thio nih The Hakha Post ah a chim.

Nai hrawng ruahti tam ruang ah Chinram lawng si lo in Sagiaing Ramthen, Kalaymyo hrawng zong tilianh ruang ah inn le lo chuahtak a rak si. Ruahti a tlawm thluahmah cang ko nain lam a that rih lonak tete a um rih. Asinain, lam remh mi hna nih a hmun ah umhnawh in remh cuahmah lio a si, tiah thawng kan theih.

LEAVE A REPLY

Please enter your comment!
Please enter your name here