MYANMAR (Hakha Post) – Believers Church ramchung Nubu Tonpumhnak (Believers Church National Women Conference) cu Believers Church Myanmar Head Quarters Yangon ah October 4 in 8 tiang tuah a si lai, tiah thawng kan theih. “Hi National Women Conference ah a biapi in cawn ding mi cu ‘Women Power’ ti mi tlangtar in a si. Hi hmun ah Chinram Chak le Thlang, Kawlrawn chung, Rakhine Ramkulh le a dangdang hmun hna in minung 500 tluk i tel ding mi tonpumhnak a si,” tiah Believers Church Myanmar General Secretary Rev. NC Thawng Tha Thang nih The Hakha Post ah a chim.

Hi hmun ah cawnpiaktu ding hna cu, Bishop Dr. CK No Chum nih The Role of Women in the Church ti mi tlangtar, Rev. NC Thawng Tha Thang nih The Power of Women ti mi tlangtar, Dr. Anna Sui Hluan (Myanmar ram Vice President-2 Pu Henry Van Thio nupi) nih Women of Power ti mi tlangtar, Dr. Saw Harry Nu nih Women and Health ti mi tlangtar, Mai Cherry Zahau nih Women Right ti mi tlangtar, Rev. Daniel Singkamlova nih Women and Evangelism ti mi tlangtar, Rev. Elvis Khamh Cung Nung nih Christian Family ti mi tlangtar le Rev. James Thang Ceu nih Women and Bible ti mi tlangtar tiin cawnpiaknak ngeih a si lai.

Zaan pumh ah thawngtha chimtu ding hna cu Bishop Dr. CK No Chum, Rev. NC Thawng Tha Thang, Rev. Dr. Mang Hre, Rev. Dr. Samuel, Rev. Paul Kyaw Myint le Rev. Naing Hung hna an si lai i Sayama Mary Anne nih cawnpiaktu nih cawnpiak mi kong he pehtlaih in i ceihmainak a hruai hna lai, tiah theih a si. Hi hmun ah Myanmar ramchung ah hlasakthiam a si mi Iris Zin Mar Myint, Chaw Su Khin, Soma le Chinmi le Mizo ram nih theih ngaingai mi PBK Liankuma nih hlasaknak in an telpi hna lai. Pathian thangthatnak le biaknak lei hruaitu ding (Praise and Worship Leader) cu Sayama Jully Thang a si lai.

LEAVE A REPLY

Please enter your comment!
Please enter your name here