September 27, 2017 | Washington – U.S President Trump hruaimi cozah nih hmaikum (2018) caah ralzaam milu 45,000 lawng kan lak cang lai tiah nawlngeitu nih cacawn ni hnih ni ah an chim. A rauh hlan  ah fehter a si lai. Milu 45,000 lawng a lak taktak ko ding a si ahcun U.S nih kum hra bu leng (decade) hnu in ralzaam a lak a tlawmbik a si lai.

Homeland Security Department (Ramchung himnak bu) nih mily 40,000 lawng lak ding in ruahnak an pek I, State Department (Ramdang pehtlaihnak bu) nih milu 50,000 lak ding in ruahnak an pek ve I milu 45,000 ah biachahnak a tuah hi a si I caan rau lo ah zapi sinah thanh a si zau lai tiah cozah nawlngeitu hna nih an chim tiah AP nih a tial.

Hi ralzaam laknak ding milu zat kongah Trump cozah nih U.S. phung sertu (Congress) sinah an theihter cang hna. AP nih a thanh ningah, Africa lei in zatuak 42, Middle East lei in zatuak 39, Asia lei in milu 5,000 , Europe lei in milu 2,000 le Latin lei in mily 1,500 hrawng lak ding an si lai. U.S nih ralzaam lak ding milu zat a khiah mi zat hi lak taktak an si tawn lo. Tutan zong milu 45,000 timi zong tlinh a si lai lo timi kongah “ kan tlinh ko lai” tiah Trump cozah nih an dirhmun an dirhkamh.

U.N. High Commissioner for Refugees cazin ning in cun, vawleicung ah million 22.5 leng ralzam kan um tiah an thanh. Trump cozah nih ralzam si mi hnan ih U.S ah ralzaam dirhmun in an luhkhawh nak dingah chekhlat nak phungthar zong an ser I a rauh hlan ah hman a si lai. Zeibantuk phung dah an ser ti cu zapi sinah theihter a si rih lo.

LEAVE A REPLY

Please enter your comment!
Please enter your name here