Washington – Ram 8 in khualtlawn nak kongah President Trump nih zarhpi Ni ah khan nawl thar a chuah.  Hi nawlthar a ser mi ram chugah aitel mi hna cu Chad, Iran, Libya, North Korea, Somalia, Syria, Venezuela le Yemen hna an si. Hi nawlthar chuah mi cu October 18 in a nung ding a si.

Hi ram 8 chungah ram cheukhat cu khualtlawn nak phih dih a si lai I, ram cheukhat cu cozah nawlngeitu hna le an chungkhar hna cung deuh ah phihnak tuah an si lai. Hi nawlthar sermi ah hin, atu lio ah Visas pekmi hna le U.S ah khualtlawn nak nawl pek cang mi hna caah cu an itel lai lo.

Trump Cozah nih hi ram an thim nak hna ahhin, hi ram hna nih U.S cozah he pehtlaihnak ah U.S cozah nih a herhmi (abik in minung pumpak konglam) thil kongah thatein le tlingtein peknak an kan ngei lo caah a si” tiah nawlngeitu hna nih an chim.

“Hi minthutnak cu ralhrang hna kan ram ah an luh khawh lo nak ding le kan ram mi hna himnak cu cozah rian biapibik a si” tiah President Trump nih minthut mi ca ah a tialchih.

President Trump nih a hmasa bik ram 6 in khualtlawn phihnak a rak tuahmi, ni 90 chung caah rak sermi cu a caan a dih caah a tu bantuk in a thar in nawlthar a chuah hi a si. A voikhatnak khualtlawnnak kong nawl sermi cu Muslim rammi hna le muslim mi hna duhlonak a si, U.S phunghram he aikalh tiah tazacuai a ton caah, October 10 ah U.S biaceihnak sangbik Supreme Court ah chuahpi a si lai.

LEAVE A REPLY

Please enter your comment!
Please enter your name here