Thaizing Zarhpi Ni zanlei Suimilam @ 8:00PM ah Rakhaine Buainak Kong “LIVE SHOW” kanmah Chin-Lai holh in cheihphai nak aum lai. Indianapolis Chin Center ah tuah asi lai.
A tulio vawleicung pumpi nih an cuanhmi Rakhaine ram buainak kong cuanh ttinak Live Stream in thlah a si lai. A biapi in cuanh le ceih dingmi kong cu;
1. Rakhaine ram buainak hi zeitik in dah ai thawk taktak?
2. Bengali tiah auhmi Rohinja pawl hi Rakhaine ram ngeitu taktak an si ve maw? Or mipem dah an si?
3. Zei ruang ah dah Bengali ti lo in Rohingja ti theng an duh?
4. Zei ruang ah dah Kawl cozah le mipi zong nih Rohingja an ti duh hna lo?
5. Rakhaine ram buainak ruang ah Burma democracy uknak lei kalpi timh liomi hi a khamtu si lai maw?
6. Rakhaine ram buainak le Rohingja pawl tuk le thahnak kong ah aho dah mawhphur cemtu a si?
7. Rakhaine ram buainak le thahnawnnak a dih/daihter khotu taktak hi ralkap maw an si NLD cozah dah?
8. Rakhaine ram buainak ruang ah Burma ram chung le a bik in Rakhiane le Chin ram ah terrorist bu tiang an lut kho. Chinram caah zei tluk tiang dah ttih ning le buai, hnahnawhnak a pek khawh lai?
9. Rakhaine ram buainak hi Chin cozah le Chin mipi nih zeitin dah kan ruah ve lai? Atu in zeital kan i ralrin cia ding le timh cia ding um herh maw?
Thaizing (Sunday), September 17, zan 8:30 pm ah thawk a si lai. Panelists ah; Rev. Dr. Hre Mang, Dr. Ro Dinga, Zapeng Sakhong, le Chin State senator Salai Siangawr Vanhnin an si lai.
Special guest online in;
Dr. Andrew Ngun Cung Lian, Cherry Zahau le Salai Lairamthang an si lai.
Chinmi hrawnmi group kip ah thlah/share khawh kan zuam telai. Online in rak zoh cio te dingin kan sawm hna.

Cedit Pu Van Ceu Uk

LEAVE A REPLY

Please enter your comment!
Please enter your name here