LEWISVILLE, TX – U.S ram ah Chinmi tambik nak a pahnihnak a si mi Lewisville (Dallas tiah Laimi nih theih a si) Cozah (City Council) hna sin ah mino he aipehtlai mi kong ah ruahnak petu ding ah High School kai liomi minung 25 thim an si I, Chin mi in Par Hniang le Tim Shwe an I tel ve.

Lewisville khua biaceih bawi nih biakam nak a tuah ter hna lio. (Photo: The Lewisville Texan Journal)

Assistant City Manager Melinda Galler nih “ Hi Cozah ruahnak petu hna 25 chungah Chin siangngakchia an I tel ve. Pakhat deuh hna cu, an miphun aiawh a duh, an miphun hna naihniam tein miphun dang he umter a duh pinah an herhnak poah ah bawmh a duh hna” tiah The Lewisville Texas Journal sinah a chim.

Lewisville khua hi Ralzaam zohkhenh nak zung a umnak a si lo. Ralzaam nih herh ngaimi hna Food Stamp zung, Social Security zung te hna zong a um nak a si lo. Asinain, atu ahcun Chin mi nih U.S. ram ah kan khua tiah auhmi, chinmi tambik nak Indianapolis a van changtu khua, Lewisville cu Chinmi nih kan khua tiah auh a si cang.

Chin mi siangnakchia pahnih Par Hniang le Tim Shwe nih Lewisville Cozah sinah Chinmi kan dirhmun kong an chimh khawh cang hna lai I, ruahnak an pek khawh cang hna lai.

Atang video hi NBC ah Par Hniang nih statment a chimnak tawite a um.

E.Note : Tim Shwe hmanthlak kan ngeih lo caah kan tar kho lo. Kan ngaih in kan van update than lai.(Tim Shwe timi hi Tin Mawng Shwe ti in Laimi nih theih a si, kan lak nak source nih Tim Shwe tiin an tial caah kan van hman ve).

LEAVE A REPLY

Please enter your comment!
Please enter your name here