Chin Mi Pu Henry Van Thio(Vice President of Myanmar) le Pu Hau Do Suan(Myanmar Permanent Representative to UN) nih UNO Meeting pi ah Kawlram an dirkamh lai. Atu lio Arakhan state i Bangali pawl le Arakhan pawl karlak buainak he tlaiin Vawlei ram tampi an au cuahmah lio ah buainak nemter (problems phisin) dingah Daw Aung San Su Kyi nih fimkhur ngai in Chin Mi Krihfa asimi kha palai caah hman aa tim hna hi a mak tukmi political strategy asi. Cucaah, kan Pa le pawl hi Bawipa nih fimnak le mitthmaitha a peknak hna ding caah Chin Mi zumtu vialte nih thlacamnak in bawm hna u sih.
Kan Kawlram (Myanmar) pi kekkuai loin le Vawlei pi ah daihnak a duhmi Ram pakhat asinak dirkamh dingah, “Anung Pathian nih Chin miphun hman hram aa thok cang”. Hihi Kawlram pi hi zumtu Chin mi hmangin Pathian nih thluachuah pek a duh a langhnak le kanmah Chin Miphun tel loin Kawlram pihi hmaiah a kal kho lo ti a langhnak hmelhchunnak-sign pakhat zong asi.Cucaah, Vice Pu Henry Van Thio le Pu Hau Do Suan cu Babylon ram i Daniel le a Hawi pawl Bawipa nih a dirkamh hna i a thawnnak le fimnak a hrawmh hna bantukin a dirkamhnak hna hnga thlacamnak in bawm cio hna u sih. Kan ram ah Pathian Pennak le daihnak tlung ko seh. Amen! (By- Robert T Zam)

 

 

 

LEAVE A REPLY

Please enter your comment!
Please enter your name here