Rakhine Ramkulh Chaklei buaibainak ruang ah ralzaam dirhmun in hmunkip le ramtang ah aa dor mi rammi cheukhat cu ralkap le palek kilvennak in anmah le an khua cio ah an kirpi hna, kir ngam loin aa dor mi tampi an um rih. Hartong camp 5 ah aa dor mi Tlangcungmi,a bik in Rakhine mi 1472 hna cu palek le ralkap hna nih an kilven hna i anmah le an khuasaknak khua cio ah an kirpi hna. Maungdawkhua hrawng zong khuapi chungah cun tihphan awk a um tuk ti lo i khuate le kiangkap tu ah tihphan awk a um. Caan zeimawzat khar chung mi sianginn 4 zong hon than a si cang. Atu hi Sittwe khua ah hartong camp 30 hrawng a um i, chungkhar in 1500 hrawng, minung 5000 renglo zong umnak khua ah kir an duh ngai nain kir ngam loin an i dor rih. Tirawl le fenhaih tiang in harnak an tong rih. (VOA)

 

 

LEAVE A REPLY

Please enter your comment!
Please enter your name here