Hakha Khuathar Sang Pu Thawng Cung inn le Pyidawtha Sang Pu Peng Kam inn mifir nih an bauh, tangka, suithi, tumbul, kutdonghrolh le phone an fir tiah thawng kan theih.
“September 11 zingah khan kan inn an bauh i suithi pahnih, tumbul, kutdonghrolh, tangka Ks. 40,000 le phone an fir. A firtu nih a thli tein a rak pek than ahcun laksawng hmanh kan pek chin ko hnga. Cun, a zuar sual i zuarh mi zongnih thawng a kan thanh ahcun laksawng pek kan timh. Asinain, nihin tiang an kan pehtlai lo i kan theih taktak ahcun phung le phai ningin dantat a si ve ko lai,” tiah Pu Thawng Cung nih The Hakha Post ah a chim. “Kei hi Zung ka kai. September 14 chun ah kan nu nih inn a hngah i chikhatte leng a chuah kar ah tawh kan hrenh ko mi innka kha an hon i tangka Ks. 200,000 hrawng an fir. Kan nu nih kan inn pawngah minung pahnih angki nak aa hruk mi an i chawh len kha ka hmuh ko hna nain thil an fir lai ti cu ka hngal lo a ti. Kan innpa hna thil zong an rak fir cang i hihi biatak tein kan zohfel lai i aho an si kan theih hna ahcun faak piin dan kan tat hna lai,” tiah Pu Peng Kam nih The Hakha Post sinah a chim.
(By: Salai KB Laikhal

LEAVE A REPLY

Please enter your comment!
Please enter your name here