Chin National Army  General Head Quarter Camp Victoria G-1 Department War Office Cazi Mana Phwe a ruak nihin tiang hmuh a si rih lo, tiah theih a si. “A tlaknak Lahva hlei in a thlanglei Tio tiang zumh deuhnak poh cu Tlangpi, Tlanglo le Farkawn mino hna he kawl a si ko nain ti a nawi lawng si lo in ti zong a lianh ca ah a thih ni in a ni hnihnak tiang ah kan hmu kho rih lo,” tiah ruak kawlnak ah tithiam mi Ralkap Pyi Soe nih The Hakha Post ah a chim. A ni hnihnak zing in Tio le Lahva tonnak chak in hngar kan khen, a chantling fenhter mi a tannak hmun hi zumh a um nain thing kawhrong a tam tuk ca ah duh ning in kan pilh kho lo, tiah tithiam Aung Min Hlaing sin in kan theih. Mana Phwe ti a tlak hi September 11 ah a si i 13 zinglei tiang ah a ruak hmuh a si rih lo. Amah hi Kanpetlet Peng, Hmalawnglung khua Pu Hoi Thang fapa a si. Mana Phwe a pate a
si mi Sawte nih kan pafa in ram le miphun ca ah ralkap tuan ding in an sawm i lungtho tein miphun ca ah rian a tuan mi a si tiah theih a si. “CNA nih kahdohnak le dohthlennak kan tuah hnu ah ram le miphun ca ah ka nunnak dih tiang in ka tuan lai tiin biakamnak a ngeih mi cu atu Mana Phwe le minung pali nih an biakam an tlinh cang. Asinain, miphun ca i kan dothlennak cu a dih rih lo,” Pu Thet Ni nih ruak hum mi khuami hna sin ah a chim.
(By: Chimthli)

 

LEAVE A REPLY

Please enter your comment!
Please enter your name here