Avoi hnihnak Chin Idol hlasak zuamnak cu October 27 in 29 tiang Hakha, Carson Hall ah tuah a si lai i pakhatnak cu tangka sing 50 laksawng pek a si lai.
Hi Chin Idol hlasak zuam-
nak ah mark petu ding hna cu, Sung Tin Par, Herh Lian le Cung Aung hna an si lai i hi hlasak zuamnak ah pahnihnak le pathumnak a cotu hna cu tape phel cuahpiak an si lai, tiah theih a si.
“2017 kum Chin Idol Hlasak Zuamnak ah Chinmi aho poh i zuam khawh cio a si i min cazin
CACC Zung ah i pek khawh a si. Zung ratnak a har deuh mi ca ah phone zong in min i pek khawh le pehtlaih khawh a si,” tiah CACC AGS Rev. Paw Luh nih The Hakha Post ah a chim.
Hi hlasak zuamnak ah aa zuam mi hna nih ramhla, zuunhla le Pathian thangthatnak hla ti bantuk in mah duh mi hla phun poh in i zuam khawh a si lai. Hlasak zuamnak a dih in CACC EC meeting zong peh a si lai.
2014-2015 kum a voi khat-
nak tuah mi Chin Idol hlasak zuamnak ah pakhatnak cu Pa Billy nih a rak hmuh.
(By: Salai M. Kkung)

LEAVE A REPLY

Please enter your comment!
Please enter your name here