USA (Hakha Post) – Thantlang Peng, Tlangpi khua Sub High School siangngakchia minung 15 cu USA Tlangpi Thanchonak Committee nih an sianginn kainak ca ah tangka sing hra bawmhnak an pek hna, tiah thawng kan theih.

“Hi an pek mi hna cu Khua Thanchonak Committee tawlreltu nih bawmh ding ah aa tlaak ko ti mi hna kha bawmhnak pek an si. Taang kua in taang hra kai lio mi ca ah minung pakhat sing khat cio le tang nga in taang riat a kai mi ca ah thong sawnnga cio bawmhnak pek an si,” tiah Khua Thanchonak Committee Chairman Pu Thla Uk nih The Hakha Post ah a chim.

Hi bawmhnak a petu USA Tlangpi Thanchonak Committee hi laihlum committee he i bawmh rian a tuan mi an si. Hi bantuk in bawmhnak cu Cozah nih pek a rak si ko nain 1996 kum hnu in nihin tiang pek a um ti lo, tiah theih a si.

LEAVE A REPLY

Please enter your comment!
Please enter your name here