Hakha (Hakha Post) – Chin Ramkulh Sipin Zung, September 10 ah market thil zuar hna le Ramkulh le Peng Sipin, Sipin Committee tonbiaruahnak ah market thar sak ding mi ah thil cawhhrup in zuar a ngah ti lai lo, ningcang tein zuar a si cang lai, tiah biachahnak an tuah.

“Atu market khaan 72 khi duh mi thil poh in an zuar. Atu cu dot thum in kan sak lai i, dot khatnak ah sa-nga, dot hnihnak ah anghringso le theitlai, dot thumnak ah thil phuntling tiin then le zuar a si cang lai. Atu khi cu nga a zuar mi nih aalu, thakbare, aithing tibantuk in a phunphun kha cawhhrup in kan zuar. Atu cu khualipi market muisam bantuk in sak a si cang lai bantuk in ningcangte le dawhcahte in thil zuar a si cang lai,” tiah Ramkulh Sipin Lutlai Pu Thla Hre nih a chim.

“Atu i sa a zuar mi, anhringso, ancaar le theitlai te hna a zuar mi nih duh mi phun i thim khawh a si. Sa a zuar mi zong nih thilpuan zuarnak ah i thial khawh a si. Suithi a zuar mi nih sa-nga zuarnak ah i thial khawh a si. I thial khawh ti tikah a dawrkhaan si loin a zuar mi thil zohchun in khaan kan ser mi ah i thial khawh a si lai,” tiah a cunglei upa nih a chimchap.

LEAVE A REPLY

Please enter your comment!
Please enter your name here