Florida – Totho-Thlichia nih a den cuahmah mi Florida ramkulh khua cheukhat a bik in nichuah-thlanglei (Miami) hrawng cu ti le thli nih inn tampi a hrawh, thingkung tampi a thluk, Million 3 leng Mei a hrawh I lam cungah tilu in a khat. Hi thlichia aithok nak Caribbean in Minung 25 an nunnak a liam cang.

Florida hi Laimi tamngai an um nak a si. A tu caan tiang(Sunday zaan suimilam 8:30pm) ahcun Laimi an him rih hna tiah kan theih. “ A tu lio te ahcun Lami kan him rih hna. Kan mah kan umnak cu nawlngeitu hna nih chuahtak ding ti mi khua ah aitel lo. Ruah cu a tuk pah, thli zong tlawmpal a hrang pah. Zaantim hrawngah thli hran a fak ding a si” tiah Ngun Par (Valedictorian Ngun Par) nih a chim.

“Kan umnak Jacksonville khua ah a um ve mi hmuncheukhat cu chuahtak dingmi hmun(Evacuation Zone) ah aitel mi a um. Cu hrawng i a um mi Laimi cheukhat cu Georgia le North Carolina lei ah a zaam mi an um. Rian kaltak awk a that lo ruangah zaam duh ko nain a zaam ko lo mi zong um a si. Thlacam nak in rak kan bawm cio ko u law. Himnak cu Bawipa ta a si” tiah Florida lei an dirhmun kongah Ngun Par nih CCN sin ah a chim.

Georgia, North Carolina, South Carolina le Alabama ramkulh I khua cheukhat zong hi totho thlichia nih a phak ve hna. Georgia hna ahcun milu 540,000 leng an umnak zaamtak ding in nawl an chuah.

LEAVE A REPLY

Please enter your comment!
Please enter your name here