CHIN (Hakha Post) – CNF/A chung in Chinmi pakhat Pa Mana Phwe cu September 11, Camp Victoria pawng um Lahva ah sur a vorhnak ah ti ah a tla i a thi, tiah thawng kan theih.

“Nai hrawng hi ruahti a tam i a dangdang tiva tete zong hi ti a thang i a lian ngai. Atu i a tlaknak Lahva hi hlan ah cun tiva lian tuk a si lo nain atu ahcun ti a thang ve i a lian ngai ve,” tiah Tlanglo khuami Nutung pakhat nih The Hakha Post ah a chim.

Sur vorh ruang ah a thi mi Pa Mana Phwe a ruak cu September 11 ah Tlangpi khuami hna le Tlanglo khuami hna nih an kawl i zaanlei 5:00 tiang ah a ruak hmuh a si rih lo, tiah theih a si.

LEAVE A REPLY

Please enter your comment!
Please enter your name here