Thantlang, Chin (Hakha Post) – Thantlang Khuanu Khuapa nih dinti tihna thar laak timh mi le Myanmar ram Vice President-2 Pu Henry Van Thio an va ton mi kong ah mizapi nih an fiang lo, tiah Thantlang Sipin Committee Chairman Pu Ram Khar nih a chim.

“Thantlang hi minung kan karh ziahmah bantuk in dinti kan i za ti lo. Cucaah, Khuanu Khuapa hruainak in dinti laakchap timh a si. Cu kong ah Chin Ramkulh Chief Minister Pu Salai Lian Luai sin zong ah ca kan tial ko. Cun, Pu Henry Van Thio kan va ton mi kong ah mizapi nih an kan ruahpalh. Kan va tonnak a chan cu an chungkhar hmailei lamthluan thluachuah halpiak le a nupi nih Ph.D degree a kan laakpiak mi lunglawmh biachim ruah ah a si,” tiah Pu Ram Khar nih The Hakha Post ah a chim.

Thantlang Khuanu Khuapa hruainak in dinti an i zaat ti lo ca ah Khualhring Tlang chung, Sihcang le Hrianghnang kar Khuava ti cu atu bantuk in dinti ah laakchap an timh hi a si.

LEAVE A REPLY

Please enter your comment!
Please enter your name here