CHIN (Hakha Post) – Chin Ramkulh Cozah nih ramsa humhaaknak le kah ti lo ding nawl a chuah mi kong ah tizu-ngaceel ningcang loin tlaih, thah tiang in aa tel, tiah kan theih.

Atu hrawng hi khuate cheukhat ah vate run kha lenkhang rap in a runrun in tlaih le thah a si mi kong ah siseh, tizu-ngaceel ningcang loin kan zalh mi kong ah siseh, “Hihi ramsa kah lo ding tiang lawng nawlchuah mi a si lo. Ramsa humhaaknak ah tizu-ngalceel le vacek tiang aa tel. Atu ah vate a runrun in, an thah mi hoi cu va cii hmih timh tluk a si. Tizu-ngaceel zong bomb in thah, hrudenh in thah, dynamo in thah le sii phunphun in thah, tibantuk tiang hi thongthlaak khawh le dantat khawh a si,” tiah Chin Ramkulh Hluttaw Chairman Pu Zo Bawi nih The Hakha Post ah a chim.

“Chin Ramkulh Cozah nih 2018 kum cu ramsa humhaaknak le kan pawcawmnak thleng in a hmun mi lo tuah hi kan i hmaithlaak mi a si bantuk in rammi mizapi zong nih nan kan tanpi i kan tuanti hna a herh. Dan i tat hi kan duhnak a si lo, asinain kan ca ah a tha ko mi le thil thalo a si ti hngal ko nain kan tuah peng ahcun dantatnak nih a kan zulh lengmang ko lai. Cucaah, hi phung kan ser mi le nawl kan chuah mi hi a zulh in kan zulh a herh. Nawlchuah mi le phung ser mi cu kan zulh taktak lo chung poh cu dantatnak nih a kan zulh peng cang lai,” tiah a cunglei upa nih ralrin peknak bia a chimchap.

LEAVE A REPLY

Please enter your comment!
Please enter your name here